Bilbo Udalak Udaberriko Bertso Saioak programa abian du. Maiatzaren 8, 15, 22 eta 29an antolatu da ekimena, Bilboko Santutxu auzuneko Karmelo plazan, 13:00etan.
Udaberriko Bertso Saioak klasiko bat da Bizkaiko hiriburuan. Bere helburua euskal kultura eta hizkuntza sustatzea da, baina hein berean, euskaltzaleen topaleku bihurtu nahi du ekimena, Santutxuko Bertso Eskola beteranoak Bilbon egiten duen lanari lagunduz.
Lehen saioa maiatzaren 8an izan zen, Andoni Egaña, Alaia Martin, Arkaitz Estiballes eta Beñat Gaztelumendi bertsolariekin. Hurrengoan, Amets Arzallus, Onintza Enbeita, Julio Soto eta Ibon Ajuriaren txanda izan zen. Joan den astean Maialen Lujanbio eta Unai Iturriaga bildu ziren.
Eta diogun bezala, Udaberriko Bertso Saioak maiatzaren 29an amaituko da Uxue Alberdi, Oihana Bartra, Jone Uria eta Nerea Ibarzabalen partaidetzarekin.
Ekitaldi hauetako sarrera dohainik da, eta lekua aldez aurretik erreserbatu daiteke.
