Bilboko Juan Manuel Lumbreras arte galerian, Cano Erhardt argazkilaria bere azken lana erakusten ari da: Wonders Of Nature. Martxoaren 29ra bitartean bisitatu ahal da erakusketa ikusgarria.
Cano Erhardt (Bilbao, 1955) argazkilariaren hitzetan, honetan datza erakusketa: “Mundua mugatua da. Bere bazter guztietara erraz hurbildu ahal gara, edozein tokitara. Eta gutako asko, multzotan, naturarekin bat egitera goaz urruneko parajeetara, eta natura hori kontsumo gisan erabiltzen dugu. Ez dago espazio aratz gehiagorik, ez ezkutatzeko edota nor bere buruarekin egotekorik, ez neurrigabetasunik,…
Gainpoblazioaren eta teknologiaren eragina da. Lekurik ezkutuenak, eskuraezinenak gure lorategi bilakatu ditugu.
Argazkilaritzak duen atalezko nortasunaren bidez, paisaia izugarri eta amaierarik gabekoak erakutsi ahal ditu. Baina dena da trikimailu eta ziria. Argazkilaritzaren lengoaia trebea da errealitatea agintzeko eta fikzioa emateko, edota are gehiago, gezurra emateko ere. Helburu horretarako, enkoadratzea oso erreminta ona da.
Proiektu hau naturaren edertasunari eginiko kantua da, eta era berean, elegia bat, bere esentzia galtzen ari delako”.
