Groseko Okendo Kultur Etxean jarri ditu artista honek arrain, olatu eta ozeanoez beteriko margoak. Urtarrilaren 28ra bitartean ikusi ahalko dira bere lan koloretsuak.
“Nere obran, itsas gai anitz daude elkarturik: arrainak, olatuak, ozeanoak; jariakortasun urtsua eta mugarik gabeko eremuak ere badaude”, dio egileak.
Kolore garbiak, intentsuak, sinboloak sortzeko eta garatzeko xedearekin eginak. Itsas elementu anitz topa daitezke bere lanetan: arrainak, olatuak, kresala, ur isurkinaren malgutasuna eta era berean bere neurribakotasuna.
Juan Sukilbideren webgunean egindako lanen lagina ikus daiteke.