Mundaka Festival The Basque Music And Cook Festival jaialdiaren lehendabiziko edizioa antolatuko du Emankor Sareak. Jaialdia uztailaren 30etik abuztuaren 1era arte iraungo du, eta “nazioarteko kartela” ekarriko du Bizkaiko kostaldeko herrira
Jaialdiak musika, gastronomia eta surfa uztartu nahi ditu. Hala, kontzertuak Santa Katalina inguruan ipiniko den esparru itxian egingo dira. Kontzertuekin batera, antolatzaileek bestelako ekitaldiak ere eskainiko dituzte: tailer gastronomikoak, hitzaldiak, proiekzioak, ibilbide turistikoak… eskaintza turistiko erakargarria eta kalitatezkoa osatzeko asmoz.
Musikaren harira, bi sail izango dira: WE ARE BC izenekoak euskal taldeak bilduko ditu; WE ARE MUSIC atalean, berriz, atzerriko artistak arituko dira. Jaialdiak giro atsegina, jasangarria, hurbilekoa eta masifikazio txikiko izan nahi du. Hala, aipatutako Santa Katalina esparruan, 4.000-5.000 lagun bilduko dira.
Antolatzaileek oraindik ez dituzte taldeen izenak iragarri.
