Miren Gaztañagak sortu eta zuzendutako lana da Stereo, zeinak dantza eta antzerkia uztartzen dituen.
Bada, asteazkenean, hilak 27, obra horren bi emanaldi egingo ditu Gaztañagak Bilboko Kafe Antzokian, 11:30ean eta 18:30ean. Ekitaldia Gabriel Aresti euskaltegiak ondu du.
Stereo maskulinotasunaren eta feminitatearen inguruko gogoetak biltzen ditu. “(Obra) testuinguru pribatua publiko bihurtzen da taula gainean; zalantza eta hausnarketek boza hartzen dute. Ateak zabalik daude, nahi duenak begira dezala”.
