Miren Gaztañaga gipuzkoarrak Stereo lana aurkeztuko du maiatzaren 11n Bilboko Campos Eliseos Antzokiko Cupula aretoan, 20:30ean. Eva Guerrero bizkaitarrak, halaber, Mírame cuando te hablo ikuskizuna antzeztuko du ordubete beranduago. Stereo Gaztañagaren azken lana da, eta Mírame cuando te hablo obrak, berriz, genero indarkeria du ardatz.
Biak ala biak Kupula gune garaikidea zikloaren baitan daude. Bilboko antzoki horrek eta Nexo Teatro taldeak abiatu zuten egitaraua elkarlanean apirilean, egungo lan eszeniko garaikideak aurkezteko asmoz.
Orotara zazpi ikuskizun bildu dituzte zikloan. Honatx gainerako datak: maiatzaren 17an, Mama Crea konpainiak ¿Se puede? lana aurkeztuko du; 18an, Andaluziako Vértebro Teatro taldeak Estudio para el amor, la muerte y la paciencia taularatuko du; eta, azkenik, 24an, Kabia konpainiak Paisaje con argonautas antzeztuko du.
