Donostiako udal liburutegian eta Txalaparta argitaletxearen eskutik, lan berria aurkeztuko du Harkaitz Canok asteazkenean. Hitzordua, 12:00etatik aurrera izango da.
Azken hamarkadan euskal literaturak izan duen idazlerik oparoenak idatzitako genero eta formatu ezberdinetako narraziorik onenak bildu ditu antologia honetan Irati Jimenezek, Mecanografiak lanaren hitzaurrearen egileak. “Gure literaturak daukan idazle osoenetariko, oparoenetariko eta trebeenetariko baten mundu literario berdingabea ezagutzeko eta gozatzeko egindako oparia da antologia hau”, bere ustetan. Hala, mikroipuinak, fantastikoak, errealistak, metaliterarioak, umoretsuak, gordinak, surrealistak, edota satirikoak diren hainbat ipuin biltzen dira lan honetan irakurlearen gozamenerako.
Euskal literaturaren erreferentzia nagusienetakoa da egun Harkaitz Cano eta gure literaturako ipuingilerik oparoenetakoa dugu gaur gaurkoz. Bere lanen artean, esaterako Malgu da gaua (2014, Etxepare Institutua); “Paulov-en txakurrak” (1994, Erein); Beti oporretan (2015, Susa); Museo bilduma (2016, Ikastolen Elkartea) edota “Txalorik ez, arren” (2014, edo!) ditugu.
