Consonni arte ekoizpen etxeak Bilboko Conde Mirasol kalean duen egoitzan performancea egingo dute gaur, uztailak 3, 20:00etan Johanna Gustafsson Fürst eta Lisa Torell artistek. Ekitaldian Jesus Feixak ere parte hartuko du itzultzaile lanetan.
Handover. Outlined Clearly/Clean Out izenburuko piezak espazioa, lengoaia eta materialtasuna ditu ardatz. Bertaratuko diren ikusleek ekintza-elkarrizketa baten parte hartuko dute.
Performancea 2012an Belgrad hiriko Biro Beograd Residency Block 70 izeneko erresidentzian egindako lanaren jarraipena da. Lan horretan tokiko politikak jorratu zituzten.
Informazio gehiago: consonni.org.
