Iñaki Domingo artistak Color Politics izeneko erakusketa abiarazi du Gasteizeko Amarica aretoan.
Color Politics proiektuak “arreta finkatzen du korporazio handiek limurtzeko erabiltzen duten tresna gisa koloreaz egiten duten erabilera psikologikoaren gainean, eta erabaki estrategiko horietan datzan dimentsio politikoaren gainean”.
Pantone Color Institute enpresaren kasu paradigmatikoa hartzen du abiapuntu, zeinak 2000. urtetik bere burua izendatu baitu mundu mailako aholkulari kolorearen arloan. Opakutasun harrigarriz hautaturiko batzorde aholku emaile baten bidez, Pantonek urtean nagusi izango den kolorearen iragarpena egiten du, eta une horretatik aurrera, hainbat industriatan, hala nola moda, etxeko gauzak edo ehunen diseinua, erabili ohi diren objektu asko eta asko proposatutako tonu horretan tindatzen dira. Erabaki hori merkataritza arrakasta izan daiteke gai horientzat.
Irudiez bereganatu eta ondoren haiek lausotzeko estrategia baten bidez nabarmen utzi nahi da zein kolorez osatuta dauden, Color Politics osatzen duten lanek hausnarketa egiten dute ikusizko mezu kontzentratuak eta zuzenduak bidaltzeko koloreak duen botere psikologikoaz; geroago, mezu horiek gizartea kontrolatzeko tresna sotil gisa erabil daitezke.
