Ekainaren 15era arte, Aitziber Alonso (Donostia, 1971) artistaren irudiak ikus daitezke Donostiako Aiete Kultur Etxean, Ilustratzailearen Txokoak programaren baitan.
Donostiarra Arte Ederretan lizentziaduna da, eta Galtzagorri elkarteko kidea da. Makina bat liburu ilustratu ditu Alonsok; tartean, Txilikuren Oihaneko epailea (Elkar) eta EDO argitaletxeak plazaratutako Charlotte Perkins Gilman autorearen Hormako paper horia liburuaren azala. Oraintsu, Patxi Zubizarretaren ipuinak ilustratu ditu IRRIA aldizkarian.
Horrekin batera, kartelak ere egin ditu; esaterako, 2011ko Liburuaren Nazioarteko Egunarena, Donostiako Udal Liburutegien Sarerako.Hori gutxi balitz, areto literarioak ere egiten aritzen da Itziar Zubizarretarekin batera, Galtzagorriren bitartez.
Aitziberren lanaren zati handi bat bere blogean dago jasota.