Mintzola Fundazioak Bertsoa Unibertsitatean II eskola antolatu du aurten, EHUko Uda Ikastaroen baitan. Ikastaroa uztailaren 6tik 10era bitartean garatu da Donostiako Miramar Jauregian. Beñat Gaztelumendi Arandiak zuzendu du gaur amaituko den Bertsolaritzaren Bidegurutzeak izenekoa.
Horren barruan, gaurko saioan, Bertsolaritzaren ikerketa esparru berriak gaia jorratuko da.
Hortaz, Kepa Paz-Alonsok Zer dago bertsolarien garunean? Bertsolaritzaren oinarri neuralak hitzaldia egingo du lehen orduan. Geroago, Aitzol Astigarraga Pagoaga Bertsobota: testuinguruaren eragina poesia sorkuntza automatikoan gaiari buruz mintzatuko da. Eta azkenik, Manex Agirrezabal Zabaletak Bertso-sorkuntza automatikoa: Azken nobedadeak izeneko gaia jorratuko du.
Informazio gehiago www.mintzola.eus atarian topatuko dituzue.
