Gaur hasiko da Nazioarteko Folk Jaialdiaren 32. edizioa Kepa Junkerak eta Sorginak-ek aurkeztuko duten Maletak ikuskizunarekin. Junkerak estreinakoz aurkeztuko du egitasmo berria, eta zenbait gonbidaturen laguntza ere izango du oholtzan.
Jaialdiak irailaren 4ra arte iraungo du. Hala, bihar, The Old Timey String Band folk talde iparramerikarrak eta Lúnasa talde irlandarrak joko dute.
Larunbatean, halaber, Boli Kostako Tiken Jah Fakoly artistak reggae erritmoak zabalduko ditu, eta igandean, Xabi Aburruzaga arituko da, zeinak Keltik izenburuko lan berria aurkeztuzko duen.
Kontzertu nagusiez gainera, bestelako emanaldi txikiagoak ere izango dira. Antolatzaileek jakinarazi dutenez, “Entre Orillas taldearen soinu hispaniar-kubatarra, Olga Cerpa eta Mestisay-ren erritmo atlantikoak, Anxo Lorenzoren folk galiziar berria eta Elida Almeidaren ahots magikoa”.
Amaitzeko, gogoratu bestelako jarduerak ere izango direla, ohi den bezala: “Espazio Solidarioa, Munduko Artisautzen Merkatua, Munduko Terraza eta haren gastronomi eskaintza koloretsua”.
Informazio gehiago: getxo.eus.