Zumaiako Udalak, literatur sorkuntza bultzatzeko asmoz, Julene Azpeitia Ipuin Lehiaketa abiatu du. Ipuin lehiaketaren 33. edizioa da aurtengoa, eta irailaren 30era bitartean aurkeztu ahal izango dira lanak, hortaz azken egunetan gaude.
Ipuinak euskaraz idatzita egon behar dira eta, originalak eta argitaragabeak izango dira. Gai libreko ipuinek gutxienez 6 orrialde eduki beharko dituzte eta gehienez 15. Idazlanak izenburua bakarrik eramango du agerian eta idazlearen izena ezin izango da inon aipatu. Idazlanarekin batera, gutun-azal itxi bat bidali beharko da, kanpoaldean idazlanaren izenburua jarrita, eta barrualdean, berriz, egilearen izen-abizenak, telefonoa, helbide elektronikoa eta NAN agiriaren fotokopia. Lanak posta elektronikoz ere bidali ahal dira, euskara@zumaia.eus helbidera.
Idazlanak helbide honetara bidali beharko dira, Julene Azpeitia 33. ipuin lehiaketarako dela adierazita: Zumaiako Udala. Euskara Zerbitzua.Foruen plaza 120750 Zumaia.
Sariak honakoak dira: Lehen saria: 3.000 €; Bigarren saria: 1.500 €; Zumaiako onenaren saria: 1.000 €.
Xehetasun guztiak, hemen kontsultatu ahal dituzue.
