Larunbatean, LemoaKustikFest 18 jaialdi akustikoa egingo da Lemoako hainbat tokitan. Kontzertuak eguerdian hasiko dira, Marenek eskolako arkupean emango duen emanaldiarekin.
Eskolako atari horretan beste bi kontzertu egingo dira: Liv Wallace, 13:30ean, eta Keu, 16:00etan. Inun musikari bizkaitarra, bestalde, Bihotz Gorosperekin arituko da, Arlonagusia Plazan, 17:30ean.
19:00etan, Willis Drummondeko abeslari eta gitarra-jotzaile Ekizaren txanda izango da. Iparraldekoak anbulategiaren plazan joko du. Azkenik, 22:00etan, Izarok Kiroldegian joko du.
Informazio gehiago: lemoa.net.
