Nafarroako Antzerki Eskolan Irriziklo ekimena abiatu zuen otsailean. Bi hilabete hauetan hainbat hitzordu barregarriz gozatu ahal izan da. Ziklo hori gaur amaituko da.
Martxoko hitzorduak honakoak izan dira: Inpernutik natorren artista bat naiz ni! (Txan magoa, martxoak 7); Erradikalak gara (Beatriz Egizabal eta Ane Labaka, martxoak 14); eta Sexijentziak askatuz (Itziar Saenz de Ojer, martxoak 21).
Eta diogun bezala, gaurko saioan Etxeko saltsak (Txalo Produkzioak, martxoak 27) ikusteko parada egongo da. Alan Ayckbourn-en Relatively speaking antzezlan arrakastatsuan oinarritutako endredozko komedia bat da Etxeko saltsak. Bikotekide zein amoranteen sekretuak eta endredoak barra-barra. Istorioak pertsonaien bideak hamaika norabidetan gurutzarazten ditu, gaizki-ulertutik gaizki-ulertura.
Oholtza gainean, Aitziber Garmendia, Ane Gabarain, Miren Gojenola, Mikel Laskurain eta Aitor Fernandino.