LITERATURA

Iñigo Aranbarrik “Apirila” aurkeztuko du Soraluzen

Iñigo Aranbarri idazleak Apirila liburu berria aurkeztuko du, bihar, azaroak 25, Soraluzeko Gaztelupe Billie gunean. Susa literatura argitaletxeak argitaratu du Iñigo Aranbarriren nobela berria, iragan irailean.

Iñigo Aranbarriren laugarren nobelak gertaeren segida bizkor baten bitartez, egoera ekonomikoak oso baldintzaturiko pertsonaiak agertzen ditu. Krisia, langabezia, errebolta, errepresioa, hondamena dira nobelaren ardatzak.

Aldatzen ari dira ekonomikoki arauak eta bizitzeko modu hau. Mundu batetik besterako transformazioan gaude, atzera bueltarik gabe.
Esteban Alberdi protagonistak lana galdu du, aldentzen ari zaio familia, eta durduzatuta dabil. Baina oraindik gehiago okertuko da bere egoera.
Gau batean, kankarrean kolpe handia hartuta aurkituko dute kale bazterrean. Eldarnio betean, denboraren putzuan barneratuko da, bi mende eta erdiko jauzian: Azkoitian ikusten du bere burua 1766ko apirilean, gariaren eta artoaren prezioa garestitu dutenean eta herritarrak matxinatu egin direnean.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ONARTU
Aviso de cookies
Tresna-barrara saltatu