IKUS-ENTZUN

Ikasleen sormena sustatu eta ikus-entzunezko ekoizpena saritzeko

BITABE-Bideo Talentu Berriak sariketa EHUko hiru Campusetako ikasleei dago zuzenduta, Gradukoei, Masterrekoei, Doktoretzakoei edo 2014-2015 ikasturtearen ondoren egresatuei, eta helburua Euskal Herriko Unibertsitateko ikasleen “talentua aintzatestea eta saritzea, eta ikus-entzunezko ekoizpen lanak ikusgai bilakatzea eta balioan jartzea” da. Bilboko Dokumentalen eta Film Laburren Nazioarteko Jaialdiak (ZINEBI), EHUKultura Bizkaiarekin eta EHUko Arte Ederretako eta Gizarte Zientzietako fakultateekin lankidetzan ondu zen.

Ikus-entzunezko piezak aurkezteko epea joan den maiatzaren 14an itxi zen. Lehenengo deialdi honetara 44 animazio, fikzio, dokumental eta bideo-sorkuntza lan aurkeztu dira. Aukeraketa batzordeak horietatik 39 aukeratu ditu, eta horiek izango dira hiru sari eskuratzeko lehiatuko direnak.

Finalisten proiekzioa eta sarien banaketa ostegun honetan, ekainaren 14an, izango da, arratsaldeko 18:30ean, EHUko Bizkaia Aretoan. Epaimahaiak 800, 600 eta 400 euroko hiru sari emango ditu. Ekitaldiari amaiera emateko Quiet Guest Dj-ren saioa programatu da.

Erakutsi gehiago

Antzeko artikuluak

Utzi erantzuna

Zure e-posta helbidea ez da argitaratuko.

Ikuskatu

Close

Cookie propioak erabiltzen ditugu, bai eta hirugarrenen cookieak ere, zure nabigatze-esperientzia eta gure zerbitzuak hobetzeko. Nabigatzen jarraitzen baduzu, euren erabilera onartutzat joko dugu.Ikusi cookien politika.

ONARTU
Aviso de cookies
Tresna-barrara saltatu