Gipuzkoako Bertsolari Txapelketako lehen saioak Oñatin eta Amasa-Villabonan jokatu dira larunbatean eta igandean. Oñatin Haritz Mujika izan da onena, eta Beñat Iguaranek lortu du puntu gehien Amasa-Villabonan jokatutakoan.
Oñatiko Santa Ana Antzokian, Felix Zubia Olaskoaga, Aratz Igartzabal Bidegain, Haritz Mujika Lasa, Andoni Mujika Izagirre, Amaia Iturriotz Etxaniz eta Maider Arregi Markuleta aritu ziren, eta Amasa-Villabonako Gurea Antzokian, Beñat Iguaran Amondarain, Oier Etxeberria Zubimendi, Iban Urdangarin Lardizabal, Iñigo Mantzizidor Larrañaga, Odei Lopez Larrauri eta Maialen Akizu Bidegain.
Datu guztiak Gipuzkoako Bertsolari Txapelketako webgunean dituzue.