Oñatin eta Amasa-Villabonan jokatuko dira larunbatean eta igandean Gipuzkoako Bertsolari Txapelketako lehen saioak.
Irailaren 14an, Oñatiko Santa Ana Antzokian, 17:00etan, izango da lehen zita. Bertan Felix Zubia Olaskoaga, Aratz Igartzabal Bidegain, Haritz Mujika Lasa, Andoni Mujika Izagirre, Amaia Iturriotz Etxaniz eta Maider Arregi Markuleta arituko dira.
Igandean, irailaren 15ean, Amasa-Villabonako Gurea Antzokian jokatuko da final-zortzirenetako bigarren saioa, 17:00etan. Sei bertsolari izango dira oholtzan: Beñat Iguaran Amondarain, Oier Etxeberria Zubimendi, Iban Urdangarin Lardizabal, Iñigo Mantzizidor Larrañaga, Odei Lopez Larrauri eta Maialen Akizu Bidegain
Ohi bezala, bi saioetako irabazleak zuzenean sailkatuko dira final-laurdenetara, eta gainontzeko bertsolariak puntuazioaren arabera sailkatuko dira.
Informazio gehiago: bertsozale.eus
