New York hiriko Geraud Portal Quintet bandak irekiko du, ostiralean, hilak 13, Bilbao Distrito Jazz egitarauaren denboraldi berri bat. Kontzertua Errekalde auzoko udaltegian egingo da, 19:30etik aurrera.
Geraud Portal kontrabaxu jotzaile frantsesa buru duen boskoteak bere lan berria aurkeztuko du Bilbon. Guztiak musikari izugarriak dira: Ben Solomon saxo-jotzaile birtuosoa, Davis Whitfield piano-jotzaile estatubatuarra, Ofri Nehemya bateria-jotzaile israeldarra eta Felix Rossy tronpeta-jotzaile katalana. Guztiak musikari gazteak dira.
Hauxek dira Bilbao Distrito Jazz programaren barruan ondu dituzten beste emanaldiak: otsailaren 20an, Kike Perdomo, eta 27an, Díaz, Mengual, Roca Trío. Halaber, martxoaren 6an, David Ambrosio Trío eta 13an, Three One (Kontxi Lorente, Luisa Brito eta Naima Acuña).