Herri horretako Motxian bertso eskolak bertsoaren inguruko programazioa ondu du hiru egunetarako. Zarautzeko hainbat txoko bertsoz beteko dira uztailaren 11, 12 eta 13an.
Bertso Astea ekimena gaur berton abiatuko da. Gaueko 22:00etan, bertso musikatuak entzungo dira Torre Luzean.
Biharko ekitaldia berezia izango da, izan ere, Desapiyo Eguna antolatu da Zarautz eta Orio herrien artean. 18:30ean, bertso-pelota izango da Frontoi Txikin, eta gauean, 22:30ean bertso saioa, Torre Luzean.
Azken eguna, uztailak 13, larunbata, hamaiketakoarekin hasiko da. 10:30ean, Musika Plazan antolatu da. Geroago, 12:00etan, bertso txepelketa izango da, tabernaz taberna.
Azkenik, 15:00etan, bazkaria egongo da, eta horren ostean, finala Txiki-Polit tabernan.