Gaur, apirilak 2, Huhezinema Euskal Film Laburren jaialdiaren 12. edizioa hasiko da, eta 16:00etan, Donostiako Zinemaldiko Nest Film Students saileko zenbait film labur proiektatuko dira Aretxabaletako Arkupe aretoan. Hauek dira proiektatuko diren film laburrak: The Girl With Two Heads (Betzabe Garcia, Mexiko), Count your curses (Lorene Yavo, Belgika) eta El verano del León Eléctrico (Diego Cespedes, Txile).
Ondoren, 17:15ean hasita Josu Martinez zuzendariaren Jainkoak ez dit barkatzen ikusi ahalko da, Lezo Urreiztietaren bizitza jasotzen duen dokumentala.
Urtero bezala, zinemako profesionalek osatuko dute jaialdiko epaimahaia; aurtengoan Iratxe Fresneda, Natxo Rodriguez eta Izaskun Arandia izango dira adituak.
Sari banaketa ekitaldia (aurten 5000 euro baino gehiago banatuko dira saritan) apirilaren 5ean egingo da, Aretxabaletako Arkupe aretoan.
