Garrobik GART arte eta kulturako lehenengo jaialdia antolatu du, bihar, larunbata, 11:00etatik aurrera, Algortako Biotz Alai Plazan eta San Nikolas Plazan. Zenbait sormen lan, gainera, herriko kaleetan barrena ibiliko dira.
Ekimenak askotariko jarduerak eta egitasmoak bilduko ditu: Tailerrak, instalazioak eta erakusketak, bideo sorkuntzak, kalean arituko diren artistak, askotariko ikuskizunak (zirkua, kontzertuak, dantza..) eta bestelako sormen adierazpideak. Jaialdia 11:00etan hasiko da, eta 00:00etan amaitu da.
Ekimenean 30 artista inguruk parte hartuko dute, tartean, Cuarto Segundo, Ana Capilla, Ibon Markaida(Txalupa Films), Jose Carlos Torre, Naiara Etxaiz, Merce Zulueta, Mariana Collares eta Shakti Olaizola.