Gaitzerdi Teatroak Euria esan eta euria erortzea eta Paisaje con argonautas antzezlanak aurkeztuko ditu BBK Salan.
Borja Ruiz zuzendaritzapean, Euria esan eta euria erortzea antzeztu zuten atzo, eta gaur, errepikatuko dute. Paisaje con argonautas antzezlana iritsiko da eszenatokira apirilaren 2an, larunbata.
Muntaketa horiekin, Arriaga Antzokiko Hurbiltasun Antzokiaren programazioa aurrera doa. Berari esker, 14 ikuskizun gehituko zaizkio kultur eskaintzari, aurtengo apirilaren 16ra arte.
“Euria esan eta euria egiteko ideiak asmatzen hasi ginenean, konposizio plastikoko eszena asko sortzen hasi ginen. Eta irudi horietatik egungo ikuskizuna sortu zen. Gure asmoa zen ikusteko poetika onirikoa egitea, ideia horiek bultzatuko eta azpimarratuko zituzten testuak izateaz gain. Era horretan, Joseba Sarrionaindiaren irudizko poetikoan oinarritu gara libreki”. Horrela aurkezten du KABIAk bere ikuskizuna. Ikuskizun horretan gai hauek jorratzen dira: gure zibilizazio garaikidea, identitatea galtzea, banakotasunaren eta alienazioaren desegitea, pasioak, tristurak, bakardadeak eta joandako pasioak.
Paisaje con argonautas lanari dagokionean, Heiner Müller-en testua dago oinarrian: Argonautekiko paisaia. Poema enigmatikoa, itxuraz inolako loturarik ez duten hitzez osatutako puzzlea, hondamendi, miseria eta itxaropen hautsizko paisaietan barrena nabigatzen duten irudien hieroglifikoa. Eta bestetik, Paul Klee-ren koadro bati buruzko Walter Benjamin-en poema bat, zeinetan aipatzen den haizeak harrapatutako aingeru bat, atzera ezin jo dezakeena munduan egiten diren basakeria guztiak konpontzeko.
Eta Benjamin-en poemako aingeru dohakabea Müller-en testuko protagonista balitz?
Hauxe da KABIAren lehen ikuskizuna, non elkarrekin konbinatzen diren zuzeneko musika, zeinuen hizkuntzan oinarritutako interpretazioa eta argia eszenografia modura ulertuta.
