Bilboko Udalak, Gabriel Aresti Ipuin Lehiaketaren beste edizio bat deitu du. Lehiaketak 3.500 euroko sari bat eta 1.750 euroko accesit bi banatuko ditu modalitate bakoitzean, euskaraz eta gaztelaniaz, hurrenez hurren. Lanka bidaltzeko epea matxoaren 30ean amaituko da.
Ekimen horren bitartez, literatur sorkuntza sustatu eta, aldi berean, euskal hizkuntzak eman duen idazle garrantzitsuenetako baten irudia eta lana ezagutarazi nahi da. Lehiaketa, 18 urtetik gorako edozein nazionalitateko idazleei dago zabalik. Ipuinen gaia librea izango da, eta ipuinak jatorrizkoak, argitaratu gabeak eta beste edozein lehiaketan saririk jaso gabeak izan beharko dira. Gehienez ere hamabost orrialde izango dituzte.
Aurreko edizioetan bezala, modalitate bakoitzak bere epaimahaia izango du, literatur munduko pertsona ezagunek osatua. 2017ko aurreko edizioan, Amaia Lekunberrik irabazi zuen euskarazko kategoria, Ezkontza kontakizunarekin, eta gaztelaniazko ipuinen sailean, sariduna Antonio Tocornal izan zen, Cundi Macundi kontakizunarekin. Lehiaketak 74 lan jaso zituen euskaraz.
Datu guztiak hemen ikusi ahal dituzue.
