Gabriel Aresti (Bilbo, 1933-1975) XX. mendeko euskal idazle eta poetaren jaiotzaren 85.urteurrenaren harira, bere figura eta obra omenduko dituzte gaur, urriak 15, Bilboko Bidebarrieta Kulturgunean antolatutako Gabriel Aresti Egunean.
Arratsaldeko 19:30ean hasita, Arestiren lehen pausoak literaturan izenburupean, euskal poetak literaturan emandako lehen urratsen nondik norakoak izango dira xede, Jon Kortazar (Mundaka, 1955) Euskal Herriko Unibertsitateko euskal literaturako katedradunaren eta literatura kritikariaren eskutik.
Ondoren , Petti musikari beratarrak eta Udane Goikoetxea kazetari eta XXI. mendeko euskal nazionalismoan adituak errezitaldia eskainiko dute Hitza. Ahotsa. Doinua goiburupean. Izenburuak dioen moduan, hitzaren, ahotsaren eta doinuaren uztarketa, Arestiren obretan oinarrituta.
Ekitaldia doakoa izango da edukiera bete arte. Hala ere, zuzenean jarraitu ahal izango da streaming bidez kulturguneatb.eus atari digitalaren bidez.
Informazio gehiago hemen.
