Maiatzean abiatu dira Ikastolen Elkarteak eta Bertsozale Elkarteak elkarlanean antolatutako Eskolarteko Bertsolari Txapelketak. Ekimena haur eta gaztetxoak bertsolaritzara hurbiltzeko asmotan jaio zen eta hala, txapelketa honi esker ikastetxeetan eta bertso-eskoletan bertsolaritza lantzen duten gaztetxoek ikusi ahal izango dituzte bertso saioak, eta gainera jendaurrean abesteko aukera ere izango dute.
Adinaren arabera bi maila izango dira: 14 urtera artekoak eta 14-18 urte bitartekoak.
Herrialdeetako ekimen hau oso modu ezberdinean garatu da orain arte eta hori dela eta, egitura bateratu asmoz 2013rako Eskolarteko Txapelketak eredu berria jarriko du martxan, besteak beste bertso-eskolei parte hartzeko aukera emanez.
Horretarako, eskolarteko txapelketaren inguruko gogoeta eguna antolatu da maiatzaren 12an, Villabonako egoitzan.
Noiz eta zer hemen begiratu ahal duzue.