Portugaleteko Elai Alai Kultur Elkarteak antolatzen duen Nazioarteko XXXVI. Folklore Jaialdia Bilbora itzuliko da hainbat urteren ondoren, Bilboko Udaleko Kultura eta Hezkuntza Sailarekin elkarlanerako akordioa lortu ondoren. Abandoibarrako Pasealekuak, Txiletik, Indiatik eta Buriatia eta Dagestan errepublika errusiarretatik etorritako lau taldek eskainiko duten dantza tradizionalen ikuskizuna jasoko du ostegun honetan.
Portugaleteko eta Euskal Herriko Nazioarteko XXXVI. Folklore Jaialdiaren programaren barruan dagoen ikuskizunean, honako talde hauek hartuko dute parte: Antumapu (Txile), Baikalskie Volni (Buriatia), Lezginka (Dagestan) eta Panghat (India). Talde bakoitzak, bere lurraldeko dantza folkloriko tradizionalaren 15 minutu inguruko erakustaldia eskainiko du, eta ikusleak gonbidatuko ditu, dantza eginez parte hartzera.
MBN Comunicacion-ek bidalita
