Atzo hasi zen NAK 2016 Nafarroako Musika Garaikidearen Jaialdiaren bigarren edizioa. Jaialdiak sormen berriko proposamenak aurkeztuko ditu larunbatera arte. Horretarako, askotariko ekitaldiak ondu dituzte: tailerrak, hitzaldiak eta kontzertuak. Ekimena Garaikideak, Musika Garaikideko Zentroak, sustatu du beste erakunde batzuekin lankidetzan.
Hala, gaur bertan, Civivox Condestable aretoan, hitzaldi bat izango da, 18:00etatik aurrera: Soinuan, ekintzailetzako proiektuak musikaren esparruan. Iluntzean, 20:00etan, Huarte Zentroan, Fundación Atena / Cmc Garaikideak arituko dira, Paulino Otamendi Kamera Orkestrarekin elkarlanean, Kosmos 2.0 aurkezteko.
Hurrengo egunetan izango diren beste ekitaldi batzuk hauexek dira: elektronika musikalari buruzko tailerra, Javier Ucar Amsia-ren eskutik: Sintetizadore modularrak: jatorri analogikoak eta eboluzioa; Urtzi Iraizozen hitzaldia, Musika garaikidea eta txistua, eta Nafarroako Orkestra Sinfonikoak eta CMC Garaikideak-ek aurkeztuko duten Soinu Beltzak egitasmoa Federico Garcia Lorcari eginiko omenaldia, besteak beste.
Egitarau osoa: nakfestival.com.
