Bilboko Udalak Kultur Proiektuen Poltsa bat sortu du kulturaren eta sormenaren alorreko profesionalen eta entitateen proposamenak jasotzeko, eta era berean, sektorea dinamizatzeko eta COVID-19k eragin dituen ondorioak arintzeko. Edozein kultur edo sormen alorretako proiektuak jasoko dira.
Gehienez 20 proiektu onartuko dira, eta horiexek aurtengo Bilboko kultur programazioan txertatuko dira. Arte bisualak, arte eszenikoak, ondarea, musika, ikus-entzunezkoak eta multimedia, liburuak eta prentsa, artisautza, arkitektura, publizitatea eta komunikazioa, bideo-jokoak, diseinua, moda, gastronomia eta zeharkako jarduerak hartuko dira kontuan. Proposamenak bideratzeko berrehun mila euro baino gehiago gordeko dira.
Proiektuak uztailaren 30era arte aurkeztu ahalko dira, euskaraz nahiz gaztelaniaz, helbide elektroniko honetan: cultura@bilbao.eus
Informazio gehiago Bilboko Udalaren webgunean topatuko duzue, edota gorago jarritako helbide horretara idatzita.