Maiatzaren 2tik 12ra Bilbao Art Districten Arteen Astea antolatuko da Bilbon. Berrogeita hamar esku-hartze artistiko, bisita gidatu, tailer, jardunaldi, hitzaldi eta kontzertu baino gehiago egongo dira hiriko arte-espazioetan. Helburua da hiriko eta kulturalak garatzen duen jardueraren garrantzia nabarmentzea, eta lehiakortasuna eta etorkizuneko garapena garatzea, bai eta ikusizko arteek hirian duten balio ekonomikoa, soziala eta kulturala aldarrikatzea ere.
Herritarrak, artistak, arte galeriak, kultur eragileak, ekoizpen zentroak, museoak, unibertsitatea, sektorearen profesionalak eta artearen munduarekin zerikusia duen pertsona eta erakunde oro elkarrekintzan aritzeko xedez, ekimenarekin Bilbao Artek, Azkuna Zentroa-Bilboko Alhondigak, arte-ekoizleak, galeriak edo EHUko Arte Ederren Fakultateak bat egin dute.
Otsailean, Bilbao Ekintzaren bitartez, Bilbao Art District 2019ko egitarauan parte hartzeko deialdia argitaratu zen. Guztira, 34 proiektu jaso ziren, eta horietatik zortzi aukeratu dira edizio honetako. Horietarik askok hausnarketa bultzatu nahi dute, hala nola, Zertan pentsatzen dute artistek? Hegoalde-hegoalde-iparralde elkarrizketak munduari bira egiteko esku-hartze artistikoa; Komisario eta artisten topaketak, praktika artistikoek sortzen dituzten balioak komisarioen praktikaren ikuspegitik; Beste modu batean pentsatzeko testuinguruak sortu behar ditugu jardunaldiak, eta abar.
Aipatutako esku-hartze batzuez gain, maiatzaren 2tik 19ra Azkuna Zentroko Kulturen Atarian ikusgai egongo den proiektua nabarmendu behar da: Isaac Cordal artistaren Liderrak jarraitu artelana.
Bilboko galeriekin ere Galeriaren Eguna antolatu da maiatzaren 11n. Egun horretan, bisita gidatuak egongo dira galeria batzuetan. Hauexek dira proiektuan parte hartuko duten galeriak: LaTaller, Espacio Marzana, SC Gallery, Aldama Fabre Gallery, Juan Manuel Lumbreras galeria, Vanguardia galeria, MH Art Gallery eta Aire galeria.
Arte Ederren Fakultateko ikasleek ere esku-hartze artistiko ezberdinak egingo dituzte hiriko hainbat espaziotan, bestek beste, Containers Aurtenetxea eta Bilboko Itsasadarra Itsas Museoaren lankidetzari esker egingo dena.
Bilbao Art Districten Arteen Asteari buruzko informazio guztia honako webgunean duzue.
