Arabako Bertsozale Elkarteak, Arabako Foru Aldundiaren laguntzarekin, Bertsoa Bizi Gazte bideoklip eta zuzeneko emanaldien lehiaketa abian jarri zuten duela para bat hilabete, baina koronabirusak ekarritako egoeraren aurrean moldaketa berri batzuk egin behar izan dituzte lehiaketa aurrera eraman ahal izateko. Gainera, konfinamendua eta segurtasun neurriak direla eta ez da BBG egunik burutuko.
Bertsoa Bizi Gazte lehiaketan Instagram bidez egiteko aukera egongo da, eta bideoklipak eta zuzenekoak egiteko laguntza ere eskainiko dute antolatzaileek. Egin beharreko pausu guztiak hemen kontsultatu ahal dituzue.
Maiatzaren 15a baino lehen lanak bidali beharko dira bertsoabizi@gmail.com helbidera.
Lau sarituek asteburu bateko egonaldia izango dute opari Zuhatzan irailaren 4, 5 eta 6an. Bertan, kirol abentura, euskara eta sormena uztartuz Uribarri-Ganboako urtegi inguruan egonaldi bikainaz gozatzeko aukera izango dute.