Beldur Barik 2012 ekimenak euskal gazteria elkartuko du indarkeria sexistaren aurkako urteko topaketan, azaroaren 24an Gasteizen. Jaialdiaren helburua da sorkuntza bultzatzea eta emakumezkoek hainbat arte-esparrutako lana ikusaraztea eta balioztatzea.
Azaroaren 25ean, Emakumeenganako Indarkeriaren kontrako Nazioarteko Eguna dela-eta, jai-giroko topaketa hau euskal hiriburuetako batean ospatzen da urtero, eta aurtengoak gazteekin landutako prebentzioa oinarri izan duen Beldur Barik! urteko programari amaiera emateko balioko du.
Artium Museoak, 16:30etik aurrera, autodefentsarako tailerrak, komikiak sortzeko tailerrak eta ikus-entzunezkoen tailerrak antolatuko dira; saio musikalak eta Beldur Barik Lehiaketaren sari banaketa ere egongo dira eta lehiaketan aurkeztutako lanak ikusi ahal izango dira.
Bertso-saio bat ere ez da faltako eta horretarako Ainhoa Agirrezaldegi, Onintza Enbeita, Alaia Martin eta Uxue Alberdi arituko dira.
Informazio guztia hemen begiratu ahal duzue.