Joan den asteburuko saioan, Zaldibarko kanporaketan Nerea Ibarzabalek irabazi zuen, hortaz, finalaurrekoetarako txartela lortu du Markina-Xemeingo bertsolariak, eta bere herrian kantatuko du azaroaren 19ko finalaurrekoan.
Saio horren ostean finalaurrekoetako saioak osatuta geratu dira. Horietatik lehena, honakoa izango da: azaroaren 19an, Markina-Xemeingo Uni Frontoian, 17:30ean. Bertsolariak, hauek: Eneko Abasolo, Jone Uria, Joseba Barandiaran, Nerea Ibarzabal, Oihana Bartra eta Txaber Altube.
Beste biak, azaroaren 27an, Basauriko Artunduaga polikiroldegian, eta abenduaren 3an, Larrabetzuko udal frontoian programatu dira.