Berriatuako Mendibarren frontoian jokatuko da BBTko azken kanporaketa, azaroaren 4an. Horren ostean, erabakita geldituko da zein bertsolarik kantatuko duen finalaurrekoetan.
Saioan kantatuko duten bertsolariak, hurrengoak izango dira: Asier Alcedo Cano (Portugalete), Ibai Amillategi Omaetxebarria (Gernika-Lumo), Itxaso Paia Ruiz (Algorta), Lander Ibarluzea Bikandi, Josune Aramendi Perez (Markina-Xemein) eta Oihana Bartra Arenas (Bilbo).
Saioaren irabazlea zuzenean sailkatuko da azaroaren 25ean Igorren jokatuko den finalaurrekora; besteek, puntuazioaren arabera edukiko dute finalaurrekoetan kantatzeko aukera.
Hurrengo saioak hemen dituzue: azaroaren 18an, Berrizko herriko frontoian; azaroaren 25ean, Igorreko udal kiroldegian; eta abenduaren 1ean, Lekeitioko Santi Brouard kiroldegian.
Dakizuenez, finala, abenduaren 15ean izango da, Bilboko Bilbao Arenan.
