Bilboko Azkuna Zentroak Bideotik ikus-entzunezko narratiba berrien bilaketa bultzatzen duen programaren edizio berri baterako deialdia ireki du, eta urriaren 25etik abenduaren 22ra bitartean izango da zabalik. Ekimena “espresio-bideoaren inguruko lanak garatzeko ikus-entzunezkoak erabiltzen dituzten artistei eta bideo-sortzaileei” zuzenduta dago.
Izaera esperimentalagoa eta bereziagoa duten sorkuntzak onartuko dira, beti ere, ikus-entzunezko lexikoa beste modu batzuen bidez erregistratu eta aurkezten bada.
Hortaz, aintzat hartuko diren puntuak honakoak dituzue: 2017tik aurrera eginak izandakoak; errealitatearen zinemari buruzko lanak (fikziozkoa ez den dokumentala); ikuspegi estetikotik eta ikus-entzunezko praktika garaikidetik garatutako lanak; feminismotik, dibertsitatetik eta arlo sozialetik hurbil dauden narratiba berriak.
Hautatutako lanak 2020ko otsailean eta martxoan proiektatuko dira Bideotik programaren barruan.
“Bideotik ikus-entzunezko bestelako narratibei begira, lengoaia berrien erabilera sustatzen du, mugimenduan dagoen irudiaren eta arte digitalaren bidez”.
Hemen kontsultatu ahal dituzue bete beharreko guztiak.