Asteazkenean, hilak 6, EHUko paraninfoan Kultur Soinuak egitasmoa aurkeztuko dute 17:00etan. Proiektuak euskal kulturako 70etik gora arte eta kultura eragileren ahotsak biltzen ditu. Ekimena Kultura Abiertak burutu du Eusko Jaurlaritzaren laguntzarekin.
Egungo sormen garaikidearen adierazpideen eta joeren ordezkariak dira aipaturiko 70etik gora eragileak. Euren ahotsak EHUko paraninfoan entzun ahal izango dira bideo-elkarrizketak direla medio.
Ekimenaren bitartez analisirako elementuak proposatu nahi dituzte politika kulturaletan eta, oro har, bizitza kulturalean, “gure sormen-ehundura sendotzeko eta hobetzeko asmoz”.
Asteazkeneko jardunaldian honako hauek parte hartuko dute: Santiago Burutxaga egitasmoaren koordinatzailea, Santiago Eraso, Pedro Soler, Maria PTQK, Luis Eguiraun eta Lavapieseko Tabakalerako Asanblada.
Mapan parte hartu duen eragileetako bat Bilboko Amaste komunikazio agentzia da. Elkarrizketa hemen entzun daiteke.
