Maiatzaren 29tik ekainaren 8 arte Bilboko Liburu Azoka izango da Arenalean. Iruñean, berriz, Gaztelu plazan egiten den Liburu Azoka maiatzaren 30etik ekainaren 8 arte izango da. Egun horietan, hainbat idazlek beren nobedadeak aurkeztuko dituzte, eta baita aleak sinatu ere, azokako erakusmahaietan.
Gaur, maiatzak 29, 11.30ean, Arenaleko ibilbidean, Bilboko 44. Liburu Azoka zabaldu da, Bilboko alkate eta Bernardo Atxagaren presentziarekin. Arenaleko ibilbidean egongo den Liburu Azoka ekainaren 8ra bitartean luzatuko da, 55 erakuslerekin, eta ehunka titulurekin.
Liburu Azoka horretan, liburu piloa ikusteaz gain, bertan Idatzietatik kantuetara erakusketa berezia ere izango da, eta liburu aurkezpenak, hitzaldiak, sariak, tailerrak eta liburu izenpetzeak ere ez dira faltako.
Atzo, maiatzak 28, Abando Hoteleko Costa Vasca Aretoan, Bilboko 44. Liburu Azoka aurkeztu zen, eta bertan Dolores Redondo idazleak Zilarrezko Luma saria eskuratu zuen.
Gaur egin den aurkezpen ekitaldian ostera, Bernardo Atxaga idazleak Atea-Laboral kutxa saria jaso du. Atxagak biziki eskertu du sari hau, irakurtzea, liburugintzak eta hizketaldiek daukaten garrantziaz bertakoei ohartaraziz, “haiek gabe ez baitugu inolako lagunik eta adiskiderik”.
Arratsaldean, 19:30ean, egile honek Nevadako egunak bere azken liburuaz hitzaldia eskainiko du. Nevadako egunak istorioz osaturiko istorio bat aurkezten du, kutxa txinatar baten gisara, pertsonen arteko aldi baterako distantzietatik eta lekuetatik harago sortzen den lotura bakoitza, talka egiten duen zirrara bakoitza, aurre egiten diogun mehatxu bakoitza ezabaezina bilakatzen dela. Eta hori bada, gu garena bihurtzen gaituena.
Egun hauetako programazioa, hemen kontsultatu ahal duzue.
