Amerikako Estatu Batuetako Kalifornia estatuko Palm Springs Film Laburren Jaialdian parte hartuko du Pablo Vijande zuzendariaren Albaitari (2011) filmak.
Film laburren jaialdia Palm Springs Nazioarteko Zinemaldiaren baitan dago, eta ekainaren 18tik 24ra bitarte egingo da.
Naniano eta Zinea Sortzen ekoizpen etxeen arteko koprodukzioa da Albaitari, eta genero indarkeria du ardatz. Nagore Aranburu, Anartz Zuazua, Karlos Zabala eta Telmo Tola aktoreek antzeztua, lau egunetan filmatu zen 2011 Artikutza eta Oiartzunen.
