Urte honetan ere, Elorrioko San Agustin auzoan Aintzinako ogibideen azoka prestatzen ari dira. Urte bitik urte bira egiten da, eta oraingoz esperientzia baikorra izan da edizio guztietan.
Azoka ez da salmentarako azoka izaten, erakusketarako baizik, beraz, antzinako ogibideak nola lantzen ziren ikusteko aukera eder bat izango da berriz ere: antzinako talogileak, harginak, sagardogileak, eltzegileak, errementariak, gorulariak, sukaldariak, zorrotzaileak, xaboi-egileak, gatz-egileak, panpinagileak, zorrotzaileak, baserriko tresnak zorrozteko teknikak,… horixe da azoka berezi honetan erakusten dena.
Horrez gain, eta elizateko historia birgogoratzeko, bi antzerki lan aurkeztuko dituzte eliza barruan, lehena barikuan Txineska taldearen Trovalia, eta larunbatean, arratsaldeko bostetan Durangaldean ageri ziren lehenengo foruaren adaptazioa den Fuero de los Labradores del Duranguesado antzezlana, Mamarru nafar taldearen eskutik.
Programa oso ikusteko, egin klik hemen.
