Ainara LeGardonek hirukote formatuan joko du ostegunean Arrasateko Gaztetxean egiten den Kooltur Ostegunak egitarauaren baitan, 22:00etatik aurrera. LeGardon Hector Bardisa Meseguer eta Ruben Martinez Sepulveda musikariekin arituko da.
Ainarak beste bi kontzertu egingo ditu asteon hirukote formatu horrekin: ostiralean, Berako Kataku Herri Ostatuan egongo da, eta larunbatean, Gazteizko Bertako FEST jaialdian, Baratza Aretoan.
Bestalde, Kooltur Ostegunak zikloaren baitan, beste hiru kontzertu ondu ditu Kooltur Ekintza taldeak, Arrasateko Gaztetxean: otsailaren 14an, Ebri Knight kataluniarrek joko dute; otsailaren 21ean, Voltaiak; eta otsailaren 28an, Unidad Alavesak.
