Kultur Leioak abenduaren 26tik 30era bitartean garatuko den eta etxeko txikienei eta familia osoari eskainita dagoen Gabonetan Antzerkira Zikloa aurkeztu du. Ikuskizun guztiak Auditoriumean izango dira arratsaldeko 18:00etatik aurrera, euskaraz zein gazteleraz.
Diziplina anitzeko ikuskizunak dira Leioan egun hauetan programatu direnak: antzerkia, txotxongiloak, musika, etab.
Lehen egunean, 26an, Gorakada konpainiak Moby Dick lana egingo du; 27an, Colectivo La Ressistens-Laenananaranjaren eskutik Kontu Kantari obra ikusteko parada izango da; 28an, Múcab Dans-Bàcum/arts escéniques i visuals talde kataluniarrak eskainita Burbujas de Papel antolatu da; 29an, 2princesesbarbudes taldeak Gaueko Entziklopedia Koxkorra egingo du; eta 30an, Anita Maravillas & Portal 71k egingo duten Pintto Pintto lanarekin emango zaio amaiera zikloari.
