Azken-laurdenak jokatuko dira asteburu honetan Nafarroako Bertsolari Txapelketaren barruan. Bi saio izango dira, larunbat eta igandez, Larraintzar eta Iturenen, eta seina bertsolari arituko dira bietan,.
Hala, bihar, larunbata, 17:30ean hasitan, Larraintzarko Kultur Etxean honako bertsolariak arituko dira: Julen Zelaieta, Aritz Saragueta, Oier Lakuntza, Ekaitz Astiz, Haizea Beruete eta Amaia Elizagoien.
Asteburuko bigarren azken-laurdena, Iturenen izango da igandean, 17,30ean. Eneko Lazkoz, Aimar Karrika, Iñaki Aleman, Ioar Tainta, Egoitz Gorosterrazu, eta Alazne Untxalo arituko dira norgehiagoka. Azken bi hauek etxekoak dira, iturendarrak.
Azken-laurdenetako saio horietan lehen postua lortzen duen bertsolariak zuzenean finalaurrekoetarako sailkapena lortuko du. Gainerakoek saio guztien puntuazioaren zain egon beharko dute.
Dagoeneko bi bertsolarik lortu dute hurrengo faserako sailkatzea: Xabier Silveira eta Migel Mari Elosegi Luze.
Txapelketaren webgunean aurkituko duzue informazio osoa
