Gaur, martxoaren 18an, Euskaltzaindiaren Bilboko egoitzan, idazle gazteak literatura mundura erakartzea helburu duten 2014ko Resurreccion Maria Azkue Literatur Sariak banatu dira.
Bi genero saritzen dira Azkue Sarietan: narrazioa eta poesia. Eta genero bakoitzak bi maila ditu: A maila, 10 eta 13 urte bitarteko gazteentzat; eta B maila, 14 eta 17 urte bitartekoentzat. A mailan Yolanda Arrieta, Igone Etxebarria eta Manu Lopez Gaseni izan dira epaimahaikoak, eta B mailan Joseba Butron, Amaia Jauregizar eta Jabier Kaltzakorta.
A mailan, eta narrazioan, honakoak izan dira sariak:
Lehen saria: Zergatik Panpox?. Egilea: Maddi Aiestaran; Bigarren saria: Irriño baten bila. Egilea: Naia Aiestaran; eta hirugarren saria: Pianoaren zuri-beltzean. Egilea: Nerea Erdozain.
A mailan, eta olerkian, honakoak izan dira sariak:
Lehen saria: Zure izenaren…. Egilea: Mikel Labaka; Bigarren saria: Baldin eta ez balitz. Egilea: Ane Azpiazu; eta hirugarren saria: Maitasunaren bidaia. Egilea: Leire Eizmendi.
B mailan, eta narrazioan, honakoak izan dira sariak:
Lehen saria: Corrado Maccarinelli. Egilea: Oihane Gurrutxaga. Bigarren saria eta hirugarren saria eman gabe geratu dira.
B mailan, eta olerkian, honakoak izan dira sariak:
Lehen saria: Itzalen hitzak. Egilea: Johanna Ramirez. Bigarren saria eta hirugarren saria eman gabe geratu dira.